"Реал Мадрид" ҳужумчи сотиб олмайди
Клуб бу фикрдан воз кечди.
"Реал Мадрид" раҳбарияти қишки трансфер ойнасида янги ҳужумчи харид қилмасликка қарор қилди.
Манбага кўра, дастлаб Лос-Бланкос раҳбарияти ўртасида форвардни сотиб олиш мақсадга мувофиқлиги борасида мунозара бўлган. Бироқ, клубнинг юқори мулозимлари мавсум бошида юқори ўйин кўрсатган англиялик ярим ҳимоячи Джуд Беллингем жамоада тизим шакллантирувчи шахсга айланишига рози бўлишди ва ҳужумчини қўлга киритиш ниятидан воз кечишди. Қолаверса, "Реал Мадрид" раҳбарияти ҳужумчи Хоселунинг ўйин даражасидан мамнун.
Эслатиб ўтамиз, бу мавсумда Беллингем Мадрид клуби сафида барча турнирларда 10 та ўйинда қатнашиб, ўнта гол урди ва учта голли узатмага муаллифлик қилди.
