Топ жамоаларнинг энг яхши тўпурарлари
Роналду мутлоқ рекордчи.
2026 йилги жаҳон чемпионати ва 2024 йилги Европа чемпионатига саралаш ўйинлари қизғин паллага кирган бир пайтда биз терма жамоаларнинг энг яхши тўпурарларини ёдга олишга ҳаракат қилдик.
Лионел Месси ўз терма жамоаси сафида энг кўп гол урган. Унинг ҳисобида 176 та ўйинда 104 та гол бор. Францияда жамоанинг энг яхши тўпурари Оливе Жиру ҳисобланади. Форвард 125 ўйинда 54 та гол уришга муваффақ бўлган. Бразилия термасининг тўпурари Неймар ҳисобланади, у терма жамоа сафида 126 та ўйинда майдонга тушиб, 79 бор рақиблар дарвозасини ишғол қилган. Ҳарри Кейн Англия терма жамоаси сафида 86 учрашувда 59 та гол урган ва ҳозирда у жамоа тўпурари бўлиб турибди. Робин ван Перси Голландия терма жамоаси сафида 102 та ўйинда майдонга тушиб, 50 та гол киритишга эришган.
Терма жамоалар сафида гол уриш бўйича рекордчи Португалия терма жамоаси ҳужумчиси Криштиану Роналду бўлиб, унинг ҳисобида 125 та гол мавжуд.
