"Исломни эртароқ нокаут қилиш асосий мақсадим"
Волкановски Махачевга қарши ўтадиган жанг ҳақида гапирди.
Александр Волкановски енгил вазнда УФС чемпиони Ислам Махачевга қарши кечадиган жанги учун режаларини ошкор қилди. Австралиялик чемпион жангни имкон қадар тезроқ якунлаш учун ҳаракат қилишини айтди.
"Шубҳасиз, бу даҳшатли жанг бўлади. Мен октагонга чиқаман ва ҳаммани ҳайрон қолдираман. Жангнинг тўлиқ беш раунд давом этмаслиги учун ҳаракат қиламан. Исломни эртароқ нокаут қилиш асосий мақсадим. Мени тўғри тушунасизлар деган умиддаман. Бу ишни чиройли ва тезроқ амалга оширишни истайман. Бўлажак оқшомдаги энг хавфли инсон мен бўламан. Ҳам жисмонан, ҳам руҳан бу тўқнашувга тайёрман. Мақсадим - нокаут!", - деди Александр.
Эслатиб ўтамиз, Алекс Волкановски учун бу реванш жанги бўлади. У шу йилнинг февраль ойида Австралиянинг Перт шаҳрида ўтказилган УФС 284 турнирида Махачевга очколар ҳисобига кўра имкониятни бой бериб қўйган эди.
