Диёрбакирда Сур маданияти йўли фестивали бўлиб ўтмоқда
Фестиваль 22 октябргача давом этади.
Туркия Маданият ва туризм вазирлиги томонидан уюштирилган, дунёнинг кенг қамровли маданият ва санъат лойиҳаларидан бири бўлган Туркия Сур маданияти йўли фестиваллари давом этмоқда.
Фестивални ўтказишдан асосий мақсад Туркиянинг маданий қадриятлари, меъморчилиги, тарихи, маданияти ва санъатини одамларга таништиришдир.
Ушбу фестивалларда қатор давлатлар, жумладан, туркий тилли давлатлардан журналистлар, видеоблогерлар, нуфузли медиа агентликлари вакиллари иштирок этди.
2023 йилда ушбу фестиваль турли ойларда Каппадокия Балон, Сумела, Паландўкен, Троя, Гастроантеп, Башкент, Коня, Бейўғлуда ўтказилган, 11 та турли шаҳарда ўтказилиши режалаштирилган.
14 октябрь куни Диёрбакирда Йўл маданияти фестивали бошланди. Фестиваль 22 октябргача 9 кун давом этади.
Фестиваль давомида Диёрбакирнинг масжид ва черковлар, Ичкале музей мажмуаси, Ўнгўзкў кўприги, Улу масжиди, Ҳасанпоша Хон каби ЮНЕСКО Маданий мерос рўйхатига киритилган қадимий тарихий масканлар билан ҳамма танишиш мумкин.
Кейинчалик бу фестиваллар декабрь ойида Измир ва Анталияда ўтказилиши режалаштирилган.
Шуни ҳам таъкидлаш керакки, 2021 йил октябрь ойида Истанбул Бейўғлу Сур маданият йўли фестивали билан бошланган Туркиянинг маданий йўналиш фестиваллари 2022 йилда Анқара Бошкент, Чанақкале Троя, Диёрбакир ва Коня мусиқа фестивали, Невшеҳир Каппадокия каби 5 та шаҳарда ташкил этилган.
