"Ливерпул" Осимҳен билан оғзаки келишувга эришди
Бу ҳақда футболчининг агенти маълумот берган.
"Инглиз клуби ва Осимҳен аллақачон оғзаки келишувга эришган. Очиғини айтаман: келишув "қизиллар" ва футболчи ўртасида бўлади. Умид қиламанки, Аурелио Де Лаурентис Виктор Осимҳенни ҳеч бўлмаганда июнгача сақлаб қолади, аммо бунга ишончимиз комил эмас”, - деди Календа.
Нигериялик ҳужумчининг неаполликлар билан шартномаси 2025 йилнинг 30 июнида якунига етади. 24 ёшли футболчи Италия клубига 2020 йилнинг кузида Франциянинг "Лион" клубидан 75 миллион евро эвазига ўтган эди. Жорий мавсумда Осимҳен барча турнирларда ўнта ўйинда қатнашиб, олтита гол урди ва битта голли узатмани амалга оширди. Трансфермаркт футболчини 120 миллион еврога баҳоламоқда.
