Ханчжоу-2022: Ўзбекистон делегацияси Пара Осиё ўйинларини олтин медаллар билан бошлади
Спортчиларимиз медаллар жамғариш бўйича умумжамоа ҳисобида Хитойдан сўнг 2-ўринда бормоқда.
Хитойнинг Ханчжоу шаҳрида IV Пара Осиё ўйинларида иштирок этаётган Ўзбекистон делегацияси мусобақанинг биринчи кунини муваффақиятли бошлади, дея хабар берди Миллий олимпия қўмитаси.
Хитойнинг Ханчжоу шаҳрида IV Пара Осиё ўйинлари старт олди.
"Параканоэ баҳсларида Шаҳзода Мамадалиева (VL3), Иродахон Рустамова (VL2) ҳамда Азизбек Абдулҳабибов (KL2) ўз дастурларида олтин медалларни қўлга киритишди", — дейилади хабарда.
_1.webp)
Айни пайтда енгил атлетика баҳсларида медаллар ўйналмоқда. Сарвар Азимов F32 классида кечган клаб улоқтириш баҳсида 39.13 метр билан бронза медалига сазовор бўлди.
Ўзбекистон делегацияси медаллар жамғариш бўйича умумжамоа ҳисобида Хитойдан сўнг 2-ўринда бормоқда.
