Пара каноэчиларимиз дебют Пара Осиё ўйинларида тенгсиз бўлишди
Улар беллашувларда олтита медаль соҳибига айланишди.
Ҳанчжоу-2022 Пара Осиё ўйинларида пара каноэ мусобқалари якунланди. Эътиборлиси, илк бор иштирок этган Ўзбекистон пара каноэ терма жамоасининг барча 6 нафар аъзоси олтин медалга сазовор бўлди. 100 фоизлик натижа қайд этган терма жамоамиз пара каноэ дастурида 1-ўринни эгаллади ва делегациямиз ҳисобига 6 та олтин медални тақдим этди.
Пара каноэ спорт тури бўйича кўрсатилган мазкур натижа Хитой ҳамда Эрон мамлакатларини ортда қолдириб Осиё мамлакатлари орасида биринчи ўринни эгаллашга замин яратди.
Пара каноэ бўйича Ҳанчжоу-2022 Пара Осиё ўйинлари ғолиблари:
1.Шаҳзода Мамадалиева
2.Ирода Рустамова
3.Азизбек Абдулҳабибов
4.Ҳасан Қўлдашев
5.Шахноза Мирзаева
6.Ҳайтмурод Шерқўзиев.
