Беллингҳам Мадридда ҳаммани ҳайратга солмоқда
У Зидан ва Роналдунинг рекордини янгилади.
Жуде Беллингҳам Европада мавсум бошланишининг асосий кашфиётларидан бири. 2023 йилнинг ёзида инглиз футболчиси Дортмунднинг "Боруссия" клубидан 103 миллион евро + бонуслар эвазига "Реал"га ўтди. Европанинг кўплаб клублари футболчи учун курашди, лекин у Мадридни танлади. Бунинг сабабларидан бири Беллингҳамнинг Зинедин Зиданга муҳаббати. Трансфердан сўнг "Реал"нинг собиқ футболчиси ва мураббийи клубни мазкур келишув билан табриклади:
"Жуде Беллингҳам келажакдаги муҳим футболчиси. У "Реал"да ўйнашга тайёр. Мен у билан ЖЧ-2022 финалида танишганман ва бироз суҳбатлашдик. Умид қиламанки, у ажойиб мартабага эришади”.
Жуде Беллингҳам
"Реал Мадрид" ярим ҳимоячиси:
“Мен Зиданга, унинг клубда амалга оширган ишларига қойил қолганман. Бу рақам мени илҳомлантиради. 22 узоқ вақтдан бери менинг рақамим эди, лекин энди мен бешинчи рақамда ўйнаяпман. "Реал Мадрид" либосининг ўзи катта масъулиятни англатади. Бу мени ноқулай аҳволга солиб қўйиши мумкин, лекин мен доимо Зиданни қадрлаганман, у мен учун энг зўр футболчи эди. Умид қиламанки, мен у қўлга киритган ютуқларни такрорлай оламан".
Зидан 2001 йилнинг ёзида "Ювентус"дан "Реал"га 77,5 миллион евро эвазига ўтган эди. Бу трансфер Мадридга Беллингҳамнинг трансферидан кўпроқ қимматга тушди. Шу билан бирга, Зидандан умидлар каттароқ эди. Ўша вақтда Зинедин дунёнинг энг яхши ўйинчиларидан бири ҳисобланарди ва ўша пайтга қадар "Олтин тўп" соҳиби бўлган эди (1998).
Зиданнинг "Реал Мадрид"даги дастлабки 10 ўйини Суперкубок, Кубок ва Испания чемпионатидаги ўйинларига тўғри келган. Қизиғи шундаки, франциялик футболчи Чемпионлар лигаси ўйинларида майдонга туша олмайди. Испания Суперкубогида "Реал" "Сарагоса" билан тўқнаш келади. Дастлабки ўйинда жамоалар 1:1 ҳисобида дуранг ўйнашди. Зидан голли узатмани амалга оширади. Жавоб ўйинида "Реал" 3:0 ҳисобида ғалаба қозониб, кубокни қўлга киритади, бироқ Зинедин бирорта ҳам гол ура олмайди. Ундан кейин олтита чемпионат ўйинлари бўлиб ўтади. "Валенция" (0:1) ва "Малага" (1:1) билан ўйинларда ярим ҳимоячи гол уролмаган бўлсада, кейин тўртта ўйинда голли церийани қайд этади. Зидан "Бетис" (1:3), "Эспанёл" (5:1), "Валядолид" (2:2) ва "Лас-Пальмас" (2:4) клубларини бир мартадан ранжитади. Шу тариқа у олти турда тўртта гол уришга эришади.
Умуман олганда, 2001/2002 йилги мавсумда у 49 та ўйин ўтказиб, 27 (12+15) очко жамғарган. Чемпионлар лигаси финалида «Баер»га қарши ўйинда ажойиб намойиш этган.
Ажабланарлиси, Жуденинг статистикаси Зиданникидан анча яхши. 10 та ўйинда инглиз футболчиси аллақачон 10 та гол урди ва 3 та голли узатмани амалга оширди. Чемпионатда Беллингҳам майдонга тушган саккиз учрашувнинг олтитасида гол урди ва "Алмерия" ва "Осасуна"га қарши ўйинларда дубл қайд этди. Жуде, шунингдек, Чемпионлар лигасида "Унион" (1:0) ва "Наполи" (3:2) билан ўйинларда биттадан гол урди.
Ёзда "Реал Мадрид" юқори даражадаги марказий ҳужумчи билан шартнома имзолай олмади. Килиан Мбаппе "ПСЖ"да, Виктор Осимҳен «Наполи»да, Ҳарри Кейн "Бавария"га ва Рандал Коло Муани "ПСЖ"да қолди. Натижада айнан Беллингем асосий футболчига айланди. Ла Лиганинг 9-туридан ўрин олган "Осасуна" билан ўйин (4:0) якунларига кўра, инглиз футболчиси ҳатто Криштиану Роналдунинг рекордини ҳам янгилади. "Реал Мадрид" учун ўнта ўйинда 10 та гол ва 3 та голли узатма - бу португалияликнинг бошланғич 10 ўйиндаги (10+1) кўрсаткичидан юқорироқ. Шу билан бирга мадридликлар бош мураббийи Карло Анчелотти Беллингҳам форвард эмаслигини, унинг вазифаси гол уриш эмаслигини айтди.
"Реал Мадрид" Жуде каби ажойиб футболчи билан шартнома имзолашга муваффақ бўлди. Биз бундан жуда хурсандмиз. У бу дақиқани хотиржам ҳис қилади. Ҳамма Беллингҳам марказ ҳужумчиси эмаслигини тушунади. Унинг вазифаси гол уриш эмас. У плеймейкер, ўртадаги ўйинчи. Вақти келиб, унинг вазифаси бошқача бўлади”.
