Мбаппе Анрини ортда қолдирди
У Чемпионлар лигасида навбатдаги голини урди.
Манбага кўра, Мбаппе UEFА Чемпионлар лигасининг уй учрашувларида кетма-кет саккизта гол урган биринчи француз бўлди. У 2001 йилнинг мартидан 2002 йилнинг февралигача "Арсенал" сафида 7 та гол урган Терри Анрини ортда қолдирди.
Эслатиб ўтамиз, Чемпионлар лигаси гуруҳ босқичининг 3-тури доирасида "ПСЖ" "Милан"ни қабул қилиб, 3:0 ҳисобида ғалаба қозонди. Ушбу учрашувдаги голлардан бирини Мбаппе киритди.
Мбаппе 2018 йилдан бери "ПСЖ"да ўйнаб келмоқда. Футболчининг клуб билан шартномаси 2024 йилгача мўлжалланган. Жорий мавсумда франциялик футболчи барча турнирларда 11 та ўйинда қатнашиб, ўнта гол урди ва битта голли узатмага муаллифлик қилган.
