"Тоттенҳем" Санчони сотиб олмоқчи
Клуб футболчи билан АПЛ чемпионлигини қўлга киритмоқчи.
"Манчестер Юнайтед" вингери Жейдон Санчо қишки трансфер ойнасида Лондоннинг "Тоттенҳем" клубига ўтиши мумкин.
Хабарларга кўра, англиялик футболчига "шпорлар" бош мураббийи Анжелос Постекоглоу қизиқмоқда. "Tоттенҳем" устози Санчо жамоани кучайтира олади ва Премьер-лига чемпионлиги учун курашда ёрдам бера олади, деб ҳисобламоқда.
"Манчестер Юнайтед" қишки трансфер ойнасида Санчо билан хайрлашишга тайёр экани аввалроқ хабар қилинганди. Эслатиб ўтамиз, футболчи Тен Хагдан кечирим сўрашдан бош тортгани учун асосий жамоа билан машғулот ўтказишдан четлаштирилди.
Санчо "Манчестер Юнайтед"да 2021 йилдан бери ўйнаб келмоқда. Футболчининг клуб билан шартномаси 2026 йилгача мўлжалланган.
