"Барселона" Хименесга қизиқиш билдирмоқда
Клуб футболчини жиддий кузатиб бормоқда.
Испаниянинг "Барселона" клуби "Фееноорд"нинг мексикалик ҳужумчиси Сантяго Хименесга эътибор қаратмоқда. Шу билан бирга, клуб футболчини қўлга киритиш учун рақобат юқори бўлишини ва Голландия клуби катта миқдорда товон сўрашини тушунишади.
Жорий мавсумда 22 ёшли Хименес 10 та учрашувда 13 та гол урди ва 3 та голли узатмани амалга оширди. Ҳужумчи Чемпионлар лигаси доирасидаги "Лацио"га (3:1) қарши учрашувда ҳам иккита гол урди.
Манба берган хабарга кўра, Каталония жамоаси вакиллари мексикалик футболчининг Европа ўйинига қанчалик тез мослашганидан ҳайратда қолган. "Барселона" келгуси ойларда Хименесни диққат билан кузатишда давом этади.
Бироқ, кўп нарса "Барселона"нинг молиявий аҳволига ҳам боғлиқ, чунки Ла Лига клубга харажатларни чеклаб қўйган.
