Филиппинда радиобошловчи жонли эфир вақтида отиб ўлдирилди
Ҳужумчи уни жонли эфирга чиқишга мажбур қилган.
Филиппинда Жонни Уокер номи билан танилган радиобошловчи Хуан Жумалон жонли эфир вақтида ўз уйида отиб ўлдирилган. У уй студиясидан трансляция қилар эди.
Ҳужумчи радио бошловчисининг уйига кириб, журналистни эфирга чиқишга мажбур қилган. Бошловчи "муҳим нарсани эълон қилишни" хоҳлаган. Шундан сўнг қотил Жумалонни отиб, уйидан чиқиб кетди.
Ди-жейнинг рафиқаси уни касалхонага олиб борган, аммо кеч бўлган — эркак вафот этган эди.
Филиппин ҳуқуқ-тартибот идоралари тергов бошланганини эълон қилди. Жиноятчи мотоциклда воқеа жойидан қочиб кетган. Маҳаллий оммавий ахборот воситаларининг хабар беришича, полиция радио бошловчисига таҳдидлар ҳақида ҳеч қандай маълумотга эга эмас.
Филиппин Президенти Бонгбонг Маркос ДЖнинг ўлдирилишини қоралаган. У Давлат раҳбари лавозимига киришганидан бери мамлакатда тўрт нафар журналист ўлдирилган.
