"Ал-Иттиҳод" мураббийсиз қолди
Жамоани энди ким бошқаради?
Ёзда Саудияга Европадан кўплаб футболчилар келишди. Бундан ташқари кўплаб мураббийлар билан ҳам шартномалар имзоланди. Бироқ, яқи нда маҳаллий топ-клублардан бири мураббийни ишдан бўшатди. "Ал Иттиҳод" янги мавсум бошланганидан атиги уч ой ўтиб Нуно Эспирито Санто билан хайрлашди. Бу эса қандай содир бўлди?
Нуно 2022 йилнин г ёзидан бери "Ал-Иттиҳод"ни бошқаради. Биринчи мавсумида у иккита совринни қўлга киритди. Жамоа мамлакат Суперкубоги ва Сауд ия Арабистони чемпионлигини қўлга киритди. Ўтган ёзда "Ал-Иттиҳод" Европадан кучли футболчиларни сотиб олди. “Олтин тўп” соҳиби Карим Бензема "Реал"дан, жаҳон чемпиони НЪГоло Канте "Челси"дан, Фабинё эса "Ливерпул"дан Осиёга кўчиб ўтди. Шу билан б ирга, "Ал-Иттиҳод" французлар учун бир евро ҳам тўламади – улар эркин агентга айланишди.
Нуно мавсум бошланганидан уч ой ўтиб ишдан бўшатилди. Жамоанинг сўнгги натижалари фаворитлар мақомига тўғри келмайди. Бунга чемпионатдаги ғалабасиз бешта учрашув сабаб бўлди.
Қизиғи шундаки, Нуно клуб тарихидаги энг муваффақиятли мураббийлардан бири бўлиб қолмоқда. Унинг қўл остида жамоа ҳар бир ўйинда ўртача 2,25 очко жамғарган. Бу 2004 йилдан бери энг яхши натижа - ўшанда "Ал-Иттиҳод" Кандинё қўл остида 2,55 очко олган. Аммо бразилиялик мураббий 22 ўйин давомида жамоани бошқарган, Нуно эса яна 30 та ўйин ўтказган. Португалиялик мураббий узоқ танаффусдан сўнг (14 йил) жамоани чемпион қилди, аммо бу мавсумда нимадир нотўғри кетди.
Август ойининг охирида ахборот майдони мураббий ва асосий юлдуз ўртасидаги можаро ҳақидаги хабарлар билан портлади. Саудия ОАВлари Нуно дастлаб Бенземанинг ҳаракатига қарши бўлганини хабар қилди. Айтишларича, мураббийга французнинг ўйин услуби ёқмаган, футболчининг фазилатлари эса жамоа талабига жавоб бермаган. Бензема ўз навбатида раҳбариятга мурожаат қилиб, мураббий у билан нопрофессионал тарзда мулоқот қилаётганини айтади.
Бироқ, бир неча кундан сўнг, Нунонинг ўзи можаро ҳақидаги маълумотни рад этди.
Бироқ, Нуно ва Бензема ўртасида яна бир ёқимсиз суҳбат бўлиб ўтди, бу сафар 6 ноябрь куни. Ўша куни "Ал Иттиҳод" Чемпионлар лигасида Ироқнинг "Ал Қува" клубига (0:2) мағлуб бўлди. Хабарларга кўра, мураббий танаффус вақтида юлдуз футболчига мурожаат қилган. Ўшанда Саудия Арабистони жамоаси 0:1 ҳисобида ютқазаётганди.
Қайд этилишича, ушбу суҳбат Нунонинг ишдан бўшатилишига сабаб бўлган. Мураббий ва футболчи ўртасидаги зиддиятда клуб раҳбарияти Бензема тарафини олди. Айтганча, Нуно мавсум бошида Саудиянинг топ-клубидан ҳайдалган биринчи мураббийга айланди. Муваффақиятсиз натижалар ва асосий юлдуз билан зиддият - ва Нуну «Ал-Иттиҳод»ни тарк этади.
Ҳозирча жамоани навбатдаги ўйинга собиқ бош мураббий Ҳасан Халифанинг ёрдамчиси тайёрлайди. Бу вақтинчалик эканлиги аниқ. Декабрь ойида Жиддада клублар ўртасидаги жаҳон чемпионати бўлиб ўтади. Саудия клуби раҳбарияти турнирда яхши ўйин кўрсатишини кутмоқда. Аммо энди асосий юлдузлар Канте ва Бензема учун қулай шароит яратиш керак.
Жамоа раҳбарлари узоқ вақтдан бери Зинедин Зидан келишини орзу қилишарди. Бироқ, бу орзу ҳаёл бўлиб қолмоқда. У рад жавобини берган. Ҳозирча "Ал-Иттиҳод" бошлиқлари потенциал номзодларнинг ҳеч бири билан музокара ўтказмаган.
