Месси кийган футболкалар аукционда рекорд ўрнатиши мумкин
Лионель Мессининг 2022 йилги жаҳон чемпионатида кийган футболкалар коллекцияси кимошди савдосига қўйилади.
Лионель Мессининг 2022 йилги жаҳон чемпионатида кийган футболкалар коллекцияси кимошди савдосига қўйилади.
6 та футболкадан иборат коллекция камида 10 миллион долларга сотилиши кутилмоқда. Бу спорт оламидаги аукционлар бўйича янги рекорд бўлиши мумкин.
Қайд этилишича, футболкалар коллекциясида Мессининг Францияга қарши жаҳон чемпионати финал учрашувида кийган футболкаси ҳам жой олади.
Маълумот ўрнида: Ҳозирда спорт билан боғлиқ энг қиммат буюм Майкл Жорданнинг 1998 йилги NBA финалидаги 1-ўйин формаси ҳисобланади. У кимошди савдосида 8,1 миллион фунт стерлингга сотилган эди.
Диего Марадонанинг ЖЧ-1986 чорак финал либоси аноним харидорга 7,1 миллион фунт стерлингга тушган.
Қайд этилишича, Мессининг футболкалари коллекциясини сотишдан тушган маблағнинг бир қисми хайрия ишларига йўналтирилади.
