Қишлоқ хўжалигида 900 минг гектар ер кадастрдан ўтмаган
Оқибатда 300 минг иш ўрни ҳисоби юритилмаяпти.
Ўзбекистонда қишлоқ хўжалиги соҳасида 900 минг гектар ер кадастдан ўтмаган. Бу ҳақда Президент бошчилигида ўтган йиғилишда маълум қилинди.
Қайд этилишича, 286 минг гектар ерга бўлган ҳуқуқни тасдиқловчи ҳужжатлар тўлиқ эмас.
159 минг гектар ернинг ҳужжатдаги ва амалдаги майдони бир-биридан фарқ қилади.
Аввалги даврларда доимий фойдаланиш учун ажратилган 460 минг гектар ернинг ҳуқуқий мақоми аниқ эмас.
Оқибатда жами 900 минг гектардан зиёд қишлоқ хўжалиги ерлари кадастр рўйхатидан ўтмасдан турибди. Кадастри йўқлиги сабабли такрорий экинлар учун бу ерларни расман иккиламчи ижарага бериш имкони бўлмаяпти.
Буларни оқибатида камида 300 минг иш ўрни, такрорий экиндан олинаётган маҳсулот ҳамда норасмий ижаранинг ҳисоби юритилмаяпти.
