Андижонда матбуот котибларига ойлик берилмаяптими?
Расмийлар тармоқдаги хабарларга муносабат билдирди.
Ижтимоий тармоқларда Андижон вилояти ва туманларда матбуот ходимларининг ойлик маоши тўланмаётгани айтилган хабар тарқалди. Ҳолатга вилоят ҳокимлиги матбуот котиби Муслим Иброҳимов изоҳ берди.
Қайд этилишича, вилоят ҳокимлиги матбуот хизматида бундай ҳолат мавжуд эмас. Ҳар бир ходим учун маошлар ўз вақтида тўланмоқда. Шунингдек, ҳозирда шаҳар ва туманлардаги ҳеч бир матбуот хизмати томонидан бу масалада муаммо борлиги айтилмаган.
"Мазкур хабар матбуот соҳасининг бошқа бир қисмига тегишли экани тахмин қилинади. Агарда манзил ёки тизим аниқ маълум қилинса, вилоят ҳокимлиги мазкур масала ечимига тегишли тартибда кўмаклашишга тайёрлигини билдиради", дейилади хабарда.
