Икки немис Саудияга ўтиши мумкин
Музокаралар бошланиш арафасида.
Дортмунднинг "Боруссия" клуби футболчилари Матс Хуммелс ва Марко Ройс мавсум якунида немис клубини тарк этишади.
Журналист Экрем Конурнинг ижтимоий тармоқларда ёзишича, Ройс ва Хуммелс Саудия Арабистони чемпионатида фаолиятини давом эттириши мумкин.
Эслатиб ўтамиз, узоқ музокаралардан сўнг жорий йилнинг апрель ойида Дортмунднинг "Боруссия" клуби ва Марко Ройс ҳамкорликни 2024 йилгача узайтиришга келишиб олган эди. Жорий мавсумда 34 ёшли футболчи барча турнирлар доирасида 16 та ўйинда иштирок этиб, 4 та гол урди ва 2 та голли узатмани амалга оширди.
Ҳуммелс "Бавария" тарбияланувчиси ҳисобланади. У 2008 йилдан 2016 йилгача «Боруссия»да ўйнаган.
Айни вақтда Германия Бундеслигасида ўтказилган 12 учрашувдан сўнг Дортмунднинг "Боруссия" клуби 24 очко билан тўртинчи ўринда бормоқда.
