"Арсенал" бу натижани қайд этган биринчи жамоа бўлди
Кеча лондонликлар "Ланс" йирик ҳисобда мағлуб этди.
Лондоннинг "Арсенал" клуби Чемпионлар лигаси тарихидаги биринчи таймда бешта гол урган биринчи жамоа бўлди.
Бир кун аввал, "канонирлар" "Эмирейтс" уй аренасида "Ланс" билан учрашиб, французлар дарвозасига жавобсиз олтита гол уришди. Биринчи бўлимда Кай Ҳавертс, Габриел Жезус, Букаё Сака, Габриел Мартинелли ва Мартин Одегор гол уришди. Иккинчи бўлим охирида Жоргинё пенальтидан гол урди. Ушбу ғалаба эвазига Микел Артета шогирдлари "Б" гуруҳида 12 очко жамғариб, Чемпионлар лигасининг 1/8 финалига йўлланма олди.
Эслатиб ўтамиз, Англия Премьер-лигасининг 2023/2024 йилги мавсуми 13-туридан сўнг «Арсенал» иккинчи ўриндаги “Манчестер Сити”дан бир очко фарқ билан, биринчи ўринда бормоқда.
