"Бу ҳақиқий жиннилик"
Скалони Мессининг Аргентина термасидаги фаолияти ҳақида гапирди.
Аргентина терма жамоаси бош мураббийи Лионел Скалони "Интер Маями" ҳужумчиси Лионел Мессининг терма жамоадаги келажаги ҳақида гапирди.
“Биз Мессига имкон қадар узоқроқ ўйнашни айтяпмиз. Жаҳон чемпионатида ғалаба қозониб, футболда ўз номини абадийлаштирди. У қачон фаолиятини якунлаши номаълум. Месси футбол майдонида бахтли. Уни яқиндан кузатганингизда қандай завқланишини тасвирлаш қийин. Буни ўз кўзингиз билан кўришингиз керак. Агар сизга машғулотларда нима қилишини айтсам, ишонмайсиз. Бу ҳақиқий жиннилик", - деди Скалони.
Эслатиб ўтамиз, Месси Аргентина терма жамоасида 2005 йилдан буён ўйнаб келмоқда.
