Хитой АҚШни Тайванни қуроллантиришни тўхтатишга чақирди
Бу ҳақда Пекинда бўлиб ўтган матбуот анжуманида сўз борган.
Кеча, 29 ноябрь куни Пекинда матбуот анжумани бўлиб ўтди. Унда Хитой яна бир бор Қўшма Штатларни Хитой тамойилларига риоя қилишга ва Тайван мустақиллигини аниқ ҳаракатлар билан қўллаб-қувватламасликка чақирди. Бу ҳақда Хитой Давлат кенгашининг Тайван ишлари бўйича бошқармаси матбуот котиби Чен Бинхуа маълум қилди.
АҚШ Миллий хавфсизлик кенгаши спикери Джон Кёрби яқинда президент Жо Байден Тайваннинг ўзини-ўзи мудофаа ҳимоя қилиш ҳуқуқига эгалигини таъкидлаганини айтиб ўтди. У шунингдек, Қўшма Штатлар Тайванга қурол сотишда давом этишини маълум қилган.
“АҚШнинг Тайванга қурол-яроғ сотиши Хитой-АҚШ муносабатларини, айниқса, 17 августда қабул қилинган Коммуникация қоидаларини бузади”, — дейди Хитойнинг Тайван ишлари бўйича бошқармаси матбуот котиби.
