"Реал"ни таслим этган "Шериф"
Ўша вақтдаги жамоа футболчилари ҳозир қаерда?
Молдава чемпионати етакчиси "Шериф" жамоаси Европа чемпионлар лигасида ажойиб натижа қайд этганидан кўпчиликнинг хабари бўлса керак. Молдова клуби еврокубокларда сенсациялар қандай бўлишини яхши билади. Икки йилдан кўпроқ вақт олдин, 2021 йилнинг сентябрь ойида, "Шериф" Чемпионлар лигасида "Реал"га қарши ўйинда (2:1) ғалаба қозониб, бутун Европани ларзага келтирган эди. Бугун "Сантяго Бернабеу"да ажойиб ғалабани қўлга киритган футболчиларнинг қаерда эканлиги ҳақида билиб олишингиз мумкин.
Георгиос Атҳанациадис, 30 ёш
Чемпионлар лигасида "Шериф"нинг асосий дарвозабони Афанациадис эди. У фақат битта ўйинни касаллик туфайли ўтказиб юборади. Бешта учрашувда Георгиос саккизта гол ўтказиб юборади ва бир марта ўз дарвозаси даҳлсизлигини сақлаб қолади. "Реал Мадрид" ўшанда унинг дарвозаси томон 31 марта зарба берган ва уларнинг 11 таси аниқ бўлган. Аммо мезбонлар дарвозабонга фақат пенальтидан гол уришади. Буни Карим Бензема амалга оширади. Афанациадис "АЭК"дан ижарага олинган ва 2022 йилнинг ёзида клубга қайтган. Жорий мавсумда 30 ёшли дарвозабон "АЭК" жамоаси сафида барча турнирларда бешта ўйинда қатнашди.
Фернандо Костанса, 25 ёш
Бразилиялик футболчи Чемпионлар лигасидан бир неча ой олдин "Ботафого"дан "Шериф"га келган ва бош мураббий Юрий Вернидуб ундан ўнг қанот ҳимоячиси позициясида фойдаланган. 2022 йилнинг қишида Фернандонинг трансфери учун курашда "Крилия Советов" ғалаба қозонган ва у хорижлик футболчи учун 800 минг евро тўлаган.
Данило Арболеда Хуртадо, 28 ёш
Колумбиялик марказий ҳимоячи Бенземани ёпишга масъул бўлган футболчилардан бири эди. Умуман олганда, у вазифасини аъло даражада бажаради. "Шериф"дан олдин Арболеда ўз ватанида ўйнаган ва Чемпионлар лигасидан олти ой олдин Молдова клубига ўтган. Муваффақиятли Чемпионлар лигасидан сўнг, 2022 йилнинг январида колумбиялик футболчи БААга жўнаб кетди. 2023 йилнинг ёзидан бери эса Қатарнинг "Ал-Аҳли" клуби сафида тўп сурмоқда.
Густаво Дуланто, 28 ёш
Арболеда Хуртадонинг марказий ҳимоядаги шериги перулик Дуланто эди. Густаво ҳам Чемпионлар лигасидан олти ой олдин "Шериф"га кўчиб ўтган. У 2022 йилнинг ёзига қадар жамоада қолади, шундан сўнг "Рига"га 1 миллион еврога сотиб юборилади. Аммо бу мавсумда Дуланто Латвия клубида жароҳати сабаб бирорта ҳам ўйин ўтказмади. Перулик футболчи бир йилдан кўпроқ вақт давомида сафдан чиққан.
Кристиано, 30 ёшда
Бразилиялик футболчи Чемпионлар лигасида "Шериф" сафида ҳимоянинг чап ва ўнг қанотида ўйнади. Кристиано Молдава клубининг собиқ футболчиси эди, чунки у 2018 йилдан бери клубда ўйнаб келаётганди. Ўша Чемпионлар Лигасида у 3 та голли узатмани амалга ошириб, жамоанинг энг яхши ассистентига айланди. Гуруҳ босқичи якунланганидан кўп ўтмай, ҳимоячини "Флуминенсе" 1,5 миллион еврога сотиб олади. Аммо 2023 йилнинг январида бразилиялик футболчи Б cерияда ўйнайдиган "Шапекоэнсе"га ижарага берилади.
Эдмонд Аддо, 23 ёш
Ганалик футболчи Аддо "Шериф"нинг ярим ҳимоячиси эди. "Сантяго Бернабеу"да ҳам у карточка билан бутун бошли ўйинни ўтказади, аммо майдондан четлатилмайди. Эдмонд "Реал" билан ўйиндан бир неча ой ўтиб Молдава клубидан кетади ва Сербиянинг "Спартак" жамоасига эркин агент сифатида қўшилади.
Димитрис Коловос, 30 ёшда
"Шериф" таркибида икки нафар грециялик футболчи бор эди. Улардан бири Димитрис эди. У "Панатинаикос"дан ижарага олинади. 2022 йилнинг февралида эса Туркиянинг "Кожаэлиспор" клубига 280 минг еврога сотилган. Кейин ватанига "Панетоликос"га қайтган ва шу йилнинг ёзида у ердан Индонезияга кетган. У ерда "Дева Юнайтед" сафида тўп сурмоқда.
Адама Траоре, 28 ёш
Малилик вингер "Сантяго Бернабеу"да ғалаба голига ҳисса қўшади. Чемпионлар лигасидан олти ой олдин Траоре Франциядан Молдовага кўчиб ўтади. У бундан олдин у "Метз" шарафини ҳимоя қилган. 2022 йилнинг ёзида ўша пайтда Станислав Черчесов бошқарган "Ференсварош" жамоаси уни "Шериф"дан 2 миллион еврога сотиб олган.
Жасурбек Яхшибоев, 26 ёш
Ҳамюртимиз “Сантяго Бернабеу”даги ўйини билан катта ном қозонади. Яхшибоев "Шериф"нинг биринчи голини Тибо Куртуа дарвозасига боши билан киритади. Бу унинг Чемпионлар лигасидаги ягона голи эди. Ўша мавсум учун Молдова клуби Жасурбекни "Легия"дан ижарага олганди. 2022 йилнинг ёзида форвард Полша клубига қайтади ва тез фурсатлар ичида "Навбаҳор" сафига келиб қўшилади.
Бруно, 29 ёш
Яхшибоев ўрнига майдонга тушган бразилиялик Бруно ҳам "Сантяго Бернабеу"даги ғалабага муносиб ҳисса қўшган. Қанот ярим ҳимоячиси 40 дақиқа ўйнайди. Бруно Чемпионлар лигасидан бир ой олдин "Шериф"га кўчиб ўтганди. 2022 йилнинг ёзида бразилиялик футболчи Кипрга қўйиб юборилди: эркин агент сифатида у "Омония" билан шартнома имзолаган. 2023 йилнинг январидан бери Бруно Кипрнинг "Пафос" жамоасида ўйнамоқда.
