Жанубий Корея коинотга разведка йўлдоши учирди
Сеул бу орқали КХДР фаолиятини кузатмоқчи.
Жанубий Корея ўзининг биринчи разведка йўлдошини коинотга учирди.
У Калифорниядаги Ванденберг космик марказидан ҳавога кўтарилган. Сеул қурилмадан КХДР фаолиятини кузатишда фойдаланишни мақсад қилган.
Эслатиб ўтамиз, Пхеньян ҳам ўзининг разведка сунъий йўлдошини жорий йил икки марталик муваффақиятсиз уринишлардан сўнг ноябрь ойи охирида учирганди.
Маълумотларга кўра, ушбу қурилма аллақачон Оқ уй ва Вашингтондаги Пентагон, шунингдек, Америка ва Жанубий Корея ҳарбий базаларини аниқлик билан суратга олган.
