Италиядаги тақдирлаш маросимига "Милан" ҳужумчиси Леау юбка кийиб келди
У йилнинг рамзий терма жамоасига киритилган.
"Милан" ҳужумчиси Рафаэл Леау Италияда бўлиб ўтган "Gran Gala del Calcio 2023" тақдирлаш маросимида юбка кийди.
"Gran Gala del Calcio 2023" — Италиядаги 2022/2023 йилги мавсум якунларини сарҳисоб қиладиган футбол тадбиридир. "Наполи" ҳужумчиси Виктор Осимҳен энг яхши футболчи деб топилди, маросимга ноодатий либосда келган "Милан" форварди эса йилнинг рамзий терма жамоасига киритилди.
Леау "Милан"да 2019 йилда Франциянинг "Лилл" клубидан Италия клубига ўтганди. Жорий мавсумда 24 ёшли португалиялик футболчи А Cерияда 12 та ўйинда майдонга тушиб, 3 та гол урди ва 3 та голли узатмани амалга оширди. Ўтган мавсумда Рафаэл 35 та ўйинда 15 та гол урган.
