Россия Саудия билан мудофаа бўйича ҳамкорлик қилмоқчи
Шунингдек, нефть соҳасида алоқалар кенгайтирилади.
Россия ва Саудия Арабистони мудофаа соҳасида ҳамкорликни кенгайтиради, Бу ҳақда Владимир Путин ва Муҳаммад ибн Салмоннинг қўшма баёнотида сўз боради.
Баёнотда айтилишича, ўзаро савдони кенгайтириш ва диверсификация қилиш бўйича биргаликдаги ишлар давом эттирилади.
Ўзаро ва қўшма инвестициялар кўпайтирилади. Икки давлат хусусий сектори ўртасида мулоқот фаоллаштирилади.
Нефть ва газ соҳасида ҳамкорлик кенгайтирилади. Янги технологияларни, жумладан, сунъий интеллектни энергия соҳасида қўллаш бошланади.
Мудофаа соҳасида ҳамкорлик мустаҳкамланади. Халқаро тинчлик ва хавфсизликни сақлашга қаратилган ҳаракатларни мувофиқлаштириш ва фаоллаштириш давом эттирилади.
