Футболчи ва мураббийлар ўртасидаги даҳшатли тўқнашувлар
Уларнинг оқибати қандай якунланган?
Футбол тарихида зиддиятли вазиятлар жуда кўплаб учрайди. Бироқ, бугун биз ўтмишда футболчилар ва мураббийлар ўртасида юзага келган жанжалли вазиятлар ҳақида сўз юритмоқчимиз.
Виктор Валдес ("Барселона") ва Жозе Моуриньо ("Интер")
2010 йилда "Интер" сафарда "Барселона"ни 0:1 ҳисобида мағлуб этди ва Чемпионлар лигаси финалига чиқди (кейинчалик "Бавария" устидан ғалаба қозонди). Жамоанинг ўша вақтдаги мураббийи Моуриньо хурсанд бўлиб, финал ҳуштаги янграганидан сўнг майдон бўйлаб югуриб ўтиб, ўз ғалабасини нишонлади ва трибунага ишора қилди. "Барса" ўйинчилари бундай ҳолатга жим қараб туришолмади ва Валдез мураббийни тинчлантириш унинг ёнига келади ва катта жанжални келтириб чиқаради.
Криштиану Роналду ("Реал Мадрид") ва Пеп Гвардиола ("Барселона")
"Барселона" 2010 йилда Эл Класикода Мадрид дарвозасига бешта гол урди ва биронта гол ўтказиб юбормади. Даҳшатли кечган баҳснинг эпизодларидан бирида Гвардиола тўпни эгаллаб олади ва Криштиану унга қараб йўл олади. Тўпни португалиялик футболчига бериш ўрнига Пеп уни шунчаки Роналдунинг ёнига ташлайди. Криш мураббийнинг болаларча хатти-ҳаракатидан жаҳли чиқиб, уни туртиб юборади. Кейин Виктор Валдес, Андрес Инеста ва Педро португалиялик ҳужумчининг ноҳақлигини исботлаш учун боришади. Бу тортишувга эса Серхио Рамос, Пепе ва Марсело аралашади. Бир неча йил ўтгач, Пеп Криштиануни мақтади ва ҳеч қандай зиддият йўқлигини маълум қилди.
Женнаро Гаттузо ("Милан") ва Жо Жордан ("Тоттенҳем")
Бу мураббийнинг исми сизга нотаниш бўлиши аниқ. У 2011 йилда Гарри Реднаппнинг штабида ишлаган. Чемпионлар лигасининг 1/8 финалида "Тоттенҳем" жамоаси «Милан» билан беллашади ва "Сан-Сиро"да Женнаро Гаттузо ҳаддидан ошиб кетади. Иккинчи бўлимда италиялик футболчи Жо Жорданнинг томоғидан ушлаб олади. Финал ҳуштагидан сўнг яна унга ташланади ва юзига бош билан зарба беради. UEFА шундан сўнг футболчини 5 ўйинга еврокубоклардан четлатиш билан жазолайди, Милан клуби эса умуман эътироз билдирмайди. Кейинчалик Гаттузонинг ўзи бу ишидан пушаймон эканини маълум қилади.
Луис Суарес ("Ливерпул") ва Девид Мойес ("Эвертон")
Суарес кўпинча уни жаҳлини чиқариш катта хато эканлигини кўрсатиб келган. 2012/2013 йилги мавсумда "Эвертон" бош мураббийи бунга шахсан ишонч ҳосил қилган, негадир Мерсисайд дербиси (2:2) олдидан у уругвайлик футболчини ёмон ўйинчи деб атаган. Сўнгра ўйинда ҳужумчи рақиб дарвозасига гол уради ва уни нишонлаш учун Мойеснинг қаршисига нишонлаш учун югуради. Қизиқ, Мойес Луиснинг қилган ишидан жаҳли чиқмаган. Ўйиндан кейинги флеш-интервьюда "Эвертон" устози "Бу ажойиб бўлди" - деган. Ҳамда агар у футболчининг ўрнида бўлганида худди шундай қилган бўлардим, деб қўшимча қилади.
Марио Балотелли ("Адана Демирспор") ва Серген Ялчин ("Бешиктош")
Марио Балотеллининг хатти-ҳаракати ҳар доим абсурд ва олдиндан айтиб бўлмайди. "Бешиктош" дарвозасига урилган голни нишонлашда ҳам интрига юзага келади, чунки жамоа бош мураббийи Серген Ялчин Марио ҳақида жиддий сўзларни гапирганди. 2022 йил сентябрь ойида ҳисоб 1:3 бўлганида Балотелли захирадан майдонга тушади ва "Адана"нинг иккинчи голини уради, шундан кейингина "Бешиктош" мураббийлар ўриндиғига югуриб боради ва бармоқларини чаккаларига ишора қилади. Шу тариқа Балотеллининг голлари сабаб ҳисоб 3:3 га етади. Ўйиндан кейин Ялчин Марио билан гаплашиш учун боради, аммо улар келиша олмайди.
Лионел Месси (Аргентина терма жамоаси) ва Луи ван Гал (Голландия терма жамоаси)
Аргентина ва Голландия терма жамоалари ўртасидаги ЖЧ-2022 чорак финали олдидан Луи ван Гал кескин баёнот билан чиқади: “Месси – голли вазият яратувчи ва гол ура оладиган энг хавфли креатив футболчи. Бироқ, жамоаси тўпни йўқотиб қўйса, у ўйинга унчалик аралашолмайди, бу бизга кўпроқ имконият беради. Мессини қандай тўхтатамиз? Сиз ҳамма нарсани ўзингиз кўрасиз." Бироқ, ўйинда биз буни кўрмадик. Лео иккинчи бўлим ўрталарида пенальтидан гол урди ва Ван Галга қарши қўлларини қулоғига қўйиб нишонлади. Мураббий эса бунга қарши ҳеч қандай фикр билдирмади.
Кевин Де Брюйне ("Манчестер Сити") ва Микел Артета ("Арсенал")
Бу шунчаки ўйиндаги оддий эпизодларидан бири, аммо уни эътиборсиз қолдириб бўлмайди. Де Брюйне ва Артета "Манчестер Сити"да бирга ишлаган. 2023 йилнинг февраль ойида бўлиб ўтган ўйиннинг иккинчи бўлими бошида бельгиялик футболчи тўпни майдонга туширмоқчи бўлади, бироқ испаниялик мураббий тўпни ундан узоқлаштириб юборади. Микел ўйин қандай якунланишини тахмин қилган бўлса керак: сабаби баҳсда Кевин гол урди ва голли узатмани амалга оширди, "Арсенал" эса ўз уйида 3:1 ҳисобида мағлуб бўлди.
