Қашқадарёда ҳам “заправка”лар иш вақти чекланди
Энди АГТКШлар 9 соат хизмат кўрсатади.
Бугун, 8 декабрдан Қашқадарё вилоятида автомобилларга газ тўлдириш компрессор шохобчаларига табиий газни етказиб бериш эрталаб соат 06:00 дан 15:00 га қадар белгиланди. Бу ҳақда Қашқадарё вилояти ҳокимлиги Ахборот хизмати маълум қилди.
"Вилоятимиздаги барча ҳайдовчилардан ўз автоуловларига газ тўлдиришда ҳар кунлик белгиланган 06:00 – 15:00 вақт оралиғида газ тўлдириш ишларини техника хавфсизлиги қоидалари асосида амалга оширишларини сўраймиз", дейилади хабарда.
АГТКШлар фаолиятида жадвалдан ташқари ўзгаришлар кузатилса, қўшимча маълумотлар берилиши маълум қилинди.
