“Манчестер Юнайтед” уч футболчисини сотувга қўйди
Улар жамоанинг асосий аъзолари.
“Манчестер Юнайтед” раҳбарияти қишки трансферлар вақтида ярим ҳимоячи Каземиро, Ҳимоячи Рафаэл Варан ва ҳужумкор футболчи Жейдон Санчони сотиб юборадиган бўлди.
Бош мураббий Эрик тен Хаг ҳозир катта босим остида ишлаяпти ва тез орада жамоани қайта шакллантиришни режалаштирмоқда.
Юқорида номи келтирилган футболчилар энг катта маош олаётганлар рўйхатида туради. Шунга қарамай, улар жамоага кутилган фойдани келтираётгани йўқ.
Манчестерликлар ўтган ёзда уч нафар ўйинчи – дарвозабон Андре Онана, ҳужумкор футболчи Мейсон Маунт ва форвард Расмус Хёйлунн трансферига 170 миллион фунтдан ортиқ маблағ сарфлаб юборди.
