Тухел Араухо билан телефон орқали боғланди
У футболчини Германияга олиб келмоқчи.
Бир кун аввал "Бавария" бош мураббийи Томас Тухел "Барселона" ҳимоячиси Роналд Араухога қўнғироқ қилиб, футболчини Мюнхен клубига ўтишга кўндирмоқчи бўлди.
Манбага кўра, ушбу телефон суҳбатида мюнхенликлар спорт директори Кристоф Фреунд ҳам иштирок этган. Тухел уругвайлик ҳимоячига унинг жамоага кераклигини ва келаётган қишда уни "Бавария"га ўтказишга қизиқаётганини айтди. Бироқ германиялик мутахассис Араухони 2024 йилнинг ёзида сотиб олиш варианти ҳам мақбул вариант эканлигини такидлади.
Эслатиб ўтамиз, жорий мавсум бошида "Бавария" ушбу позицияда ўйинчилари жароҳат олгани учун ҳимоя чизиғини тўлдиришда муаммоларга дуч келганди.
