“Ливерпул” АПЛда пешқадамга айланди

«Ливерпул» "Кристал Пелас" билан ўйинда деярли очко йўқотиши аниқ эди. Харви Эллиот 91-дақиқада ғалабани тортиб олди.

 

Лондонликлар Юрген Клопп жамоасини узоқ муддат давомида ёпишга эришди. «Ливерпул» илк бор 76-дақиқада ҳисобда тенглаштиришга муваффақ бўлди. Иккинчи бўлимда “Кристал Пелас” қоидабузарлик сабаб белгиланган пенальти эвазига гол урганди.

 

«Ливерпул» гол ўтказиб юборганидан кейин ҳам мезбонларга дарров қаршилик кўрсата олмади. Умуман олганда, ҳужумлар кетма-кетлиги яхши амалга оширилмади, аммо Жордан Айю майдондан четлатилганидан сўнг ҳаммаси осонлашди. У ҳужумчи Харви Эллиоттни майдонга йиқитди ва иккинчи сариқни ҳақли равишда қабул қилиб олди.

 

Айюнинг совғасидан икки дақиқа ўтиб, «Ливерпул» Муҳаммад Салоҳнинг аниқ зарбаси эвазига ҳисобни тенглаштирди.

 

Учрашувнинг асосий вақтига тўлиқ 10 дақиқа қўшиб берилди, аммо «Ливерпул» 90+1 дақиқада ҳисобда олдинга чиқиб олишга эришди. Салоҳ ўнг қанотда тўпни олиб, Эллиоттга узатди, у марказга ўтиб, яқин бурчакка зарба берди ва жамоасига уч очко тақдим этди.

 

"Мен ўйиндан сўнг йигитларга айтдимки, 76 дақиқа давомида биз каби ёмон ўйнаган ва охирида ғалаба қозонган жамоани биринчи марта кўришим", - деди Клопп ғалабадан кейин.

 

Юрген Клопп жамоаси аъло даражада ўйнамоқда. Илар Премьер-лигада кетма-кет тўққизта учрашувда мағлуб бўлишмади - 6 ғалаба ва 3 дуранг. «Ливерпул» ҳамон АПЛ пешқадамлари қаторида – «Арсенал»дан бир очко олдинда. Мерсисайдликлар бу мавсумда фақат бир бор «Тоттенҳем»дан мағлубиятга учради.