Қувада МИБ орқали 200 млн сўмлик солиқ қарзи ундирилди
Шундан сўнг ундирилган пуллар давлат бюджетига йўналтирилган.
Қува туман Мажбурий ижро бюроси бўлими томонидан ижро ҳужжатларининг амалдаги ижросини таъминлаш борасида навбатдаги самарали натижага эришилди.
Хусусан, қарздор «Q.T» МЧЖдан солиқ қарздорлиги бўйича 200 миллион сўм маблағ мажбурий тартибда ундирилиб, давлат бюджетига йўналтирилди.
Бюро ходимлари томонидан олиб борилган ижро ҳаракатлари натижасида қарздорлик тўлиқ бартараф этилди.
Эслатиб ўтамиз, солиқ ва бошқа мажбурий тўловлар қарздорликни ўз вақтида тўлаш — ортиқча ижро харажатлари ва мажбурий чораларнинг олдини олади.
