"Бизнинг мақсадимиз чемпионликни қўлга киритиш"
"Ливерпул" дарвозабони Алисон жамоасининг асосий мақсади ҳақида гапирди.
"Ливерпул" дарвозабони Алисон Бекернинг айтишича, мерсисайдликлар клубининг мақсади жорий мавсумда Англия Премьер-лигасида ғолиб чиқиш.
“Биз учун ҳар бир учрашувда ғалаба қозониш жуда муҳим. Мақсадимиз чемпионликни қўлга киритиш. Лекин биз мустаҳкам туришимиз ва ўйиндан ўйинга олдинга интилишимиз керак. Кейинги ўйин биз учун энг муҳими. Биз буни ўтмишда Англия чемпионатида ғалаба қозонганимизда ҳам қилганмиз", - деди Алисон.
Жорий мавсумда Англия Премьер-лигасининг 16-туридан сўнг "Ливерпул" чемпионатда биринчи ўринда бормоқда.
