Тошкентда яна метро яна тўхтаб қолди
Бунга электр тармоғидаги узилиш сабаб бўлган.
Бугун, 17 декабрь куни Тошкент метросида поезд тўхтаб қолди.
Расмий хабарга кўра, соат 13:15 лар атрофида метрополитенни ташқи электр энергия билан таъминловчи корхоналарнинг электр тармоғида қисқа узилиш содир бўлган. Шу сабабли Чорсу бекатининг кириш светафорида тақиқловчи қизил чироғи ёнган ва бунинг натижасида 40-сонли ҳаракат таркиби белгиланган йўриқномага асосан бекатга кириб келишда тўхтаб турган.
Электр энергияни қайта тиклаш юзасидан тезкор чора-тадбирлар натижасида, 8 дақиқадан сўнг ҳаракат таркиби ўз ҳаракатини давом эттирган.
Ҳозирги вақтда йўналишда поездлар ҳаракати белгиланган жадвалга кўра амалга оширилмоқда.
