"Иккаласи ҳам кута олмайдиган футболчилар эди"
Жозе "Челси"да ўйнаган Салаҳ ва Де Брюйне билан боғлиқ ҳолат ҳақида гапирди.
"Рома" бош мураббийи Жозе Моуриньо Лондоннинг "Челси" жамоасида Муҳаммад Салоҳ ва Де Брюйне билан бирга ўтган хотиралари билан ўртоқлашди.
“Улар кетишни хоҳлаганлари учун кетишди. Иккиси ҳам кутишни хоҳламади ва уларнинг қарори тўғри эканлигини тарих тасдиқлайди. Салоҳни қўйиб юбординг, дейишса, мен бунинг тескарисини айтаман: Салоҳни олдим... У билан бирга ишламоқчи эдим. Салоҳ "Базел"дан "Ливерпул"га ўтмоқчи эди, мен эса унинг "Челси"га ўтиши учун кураш олиб бордим. "Челси" Кевинни ўша вақтда ижара асосида ўйнаётгани сабабли, немис клубидан сотиб олмоқчи эди. Шундан сўнг у жамоада қолди ва ўйнай бошлади. Биз Прагада "Бавария" билан Европа Суперкубоги учун майдонга тушдик. Кевин ўша ўйинда майдонга тушмади ва эртаси куни жамоадан кетишни хоҳлади. Иккаласи ҳам кута олмайдиган футболчилар эди ва уларнинг бу қарорлари тўғри бўлганига бугун гувоҳ бўлиб турибмиз", - деди Моуриньо.
