"Реал"нинг Ла Лигадаги асосий рақиби ким?
Анчелотти бу саволга жавоб берди.
"Реал Мадрид" бош мураббийи Карло Анчелотти жамоасининг Испания чемпионатида "Виляреал"га қарши ўйиндаги ғалабаси (4:1) ҳақида фикр билдирди.
"Биз жамоавий мажбуриятнинг ажойиб даражасини намойиш этдик. Модричнинг Беллингемга узатмаси ажойиб бўлди. Бугун энг яхши ўйинларимиздан бири бўлди, айниқса ҳимоявий прессинг бўйича. Айни дамда "Жирона" чемпионатдаги асосий рақибимиз ҳисобланади. Мавсум жуда узоқ ва кураш охиригача давом этади, шу жумладан "Барселона" ва "Атлетико" билан ҳам", - деди Анчелотти.
Ушбу ўйиндан сўнг "Реал Мадрид" 17 учрашувда 42 очко жамғариб, футбол бўйича Испания чемпионати турнир жадвалида биринчи ўринга кўтарилиб олди.
