"ПСЖ" дарвозабонининг уйига ўғри тушди
Жиноятчилар ундан пул ва заргарлик буюмларини беришни талаб қилган.
Номаълум шахслар "ПСЖ" дарвозабони Александр Летеленинг уйини талон-тарож қилди.
Ҳодиса 18 декабрдан 19 декабрга ўтар кечаси содир бўлган. Летеле ва унинг рафиқаси огоҳлантирув қўнғироғидан уйғониб кетган.
Жабрланувчилар зудлик билан полицияга қўнғироқ қилган, бироқ тўрт нафар талончи уйга бостириб киришга муваффақ бўлган ва футболчи, унинг рафиқаси ҳамда икки фарзандига (2 ва 6 ёшли) пичоқ билан таҳдид қилган. Жиноятчилар Летеледан пул ва заргарлик буюмларини беришни талаб қилган.
Полиция тўрт нафар талончининг уч нафарини ҳибсга олган. Ўғриларни қўлга олиш жараёнида полициячиларнинг бири жароҳат олган.
