Альцгеймер кассалигининг янги белгиси топилди
У вақтни идрок этиш билан боғлиқ.
Италиянинг Рим университети олимлари Альцгеймер касаллигининг ривожланиш хавфини аниқлаш учун янги тест ишлаб чиқди. У вақтни идрок этишни баҳолашга асосланади.
Альцгеймер касаллигининг дастлабки босқичларида беморларда вақтни идрок этиш бузилиши кузатилади. Улар унинг боришидан хабардор бўлишни тўхтатадилар ва воқеаларни тўғри хронологик тартибда тартибга сола олмайдилар.
Олимларнинг таъкидлашича, бу ҳолат аниқ аломатлар пайдо бўлишидан олдин бошланиши мумкин. Мазкур ўзгаришлар катта эҳтимол билан хотира сусайиши билан боғлиқ.
Тадқиқотда турли даражадаги когнитив бузилишлари бўлган 33 киши, Альцгеймер касаллиги тасдиқланган 13 киши ва 17 соғлом одам иштирок этди. Кўнгиллиларнинг ёши 55 ёшдан 86 ёшгача бўлган.
Иштирокчиларга қизил тўпнинг шаффоф чашка ичига ва ташқарисига маълум вақт оралиғида сакраб тушиши акс этган видео намойиш этилди. Видео олти марта кўрсатилди ва еттинчисида кўнгиллилар тўп контейнердан қачон сакраши кераклигини айтиши керак эди.
Аниқланишича, Альцгеймер касаллиги билан оғриган беморлар вазифани энг ёмон бажарган. Олимларнинг тахминига кўра, бу гиппокамп фаолиятидаги бузилишлар билан боғлиқ.
