Бундеслига клублари Жейдон Санчога кўз тикишмоқда
У АПЛдан кетади.
Германиянинг тўртта клуби "Манчестер Юнайтед" вингери Жейдон Санчо атрофидаги вазиятни дарҳол кузатмоқда. Эслатиб ўтамиз, англиялик футболчи сентябрь ойи бошида жамоа бош мураббийи Эрик тен Хаг билан можаро қилган эди. Шундан сўнг футболчи майдонга тушмади.
Манбага кўра, Санчо учун "Байер", "Лейпсиг" ва "Штутгарт" каби жамоалар даъвогарлик қилмоқда. Англиялик футболчини қўлга киритиш учун фаворит унинг собиқ жамоаси Дортмунднинг «Боруссия»си ҳисобланади.
Санчо "Манчестер Юнайтед"да 2021 йилнинг ёзидан буён ўйнамоқда. Жорий мавсумда вингер атиги 76 дақиқа майдонда ўтказди ва уч марта захирадан майдонга тушди.
