"Энди буни такрорлашга уриниб кўриш керак"
Гвардиола йил давомида қўлга киритган ютуқлари ҳақида гапирди.
"Манчестер Сити" бош мураббийи Хосеп Гвардиола «Флуминенсе»га (4:0) қарши клублар ўртасидаги жаҳон чемпионати финалидан сўнг ўз фикрлари билан ўртоқлашди.
"Бу йил ажойиб бўлди. Мумкин бўлган барча совринларни ютдик. Энди буни яна синаб кўриш керак. Баҳс бошида бизга бироз омад кулиб боқди, эрта гол урдик, аммо кейин рақиб ақл бовар қилмайдиган 10-12 дақиқани ўтказди. Бу бизга ўйин қанчалик қийин бўлишини англатди. Иккинчи гол бизга ёрдам берди, балки бунга лойиқ эмасдик. Иккинчи бўлимда бир нечта нарсаларни ўзгартирдик ва анча яхши ўйнадик", — деди мураббий.
