Жапаров Путиннинг “сабрини синади”
Санк-Петербургдаги саммитда Россия етакчиси ҳамкасбини узоқ кутиб қолди.
Россия Президенти Владимир Путин Санкт-Петербургдаги саммит бошланишида Садир Жапаровни узоқ кутиб қолди.
Бугун Санкт-Петербургда МДҲ давлатлари раҳбарларининг норасмий учрашуви бошланди.
Саммит «Павловск» музей-қўриқхонасида ўтказилмоқда, учрашув олдидан Путин давлат раҳбарларига Санкт-Петербург саройлари бўйлаб экскурция уюштирди.
Россия президенти Владимир Путин таклифига биноан Озарбайжон, Арманистон, Беларус, Қозоғистон, Қирғизистон, Тожикистон, Туркманистон ва Ўзбекистон раҳбарлари музокаралар столида эмас, балки шаҳар саройи ҳамда истироҳат боғлари билан танишиш чоғида суҳбатлашди.
Бўлажак тадбир доирасида Ҳамдўстлик мамлакатлари етакчилари йилнинг асосий якунларини сарҳисоб қиладилар ҳамда МДҲ маконида кўп томонлама ҳамкорликни янада ривожлантиришнинг долзарб масалаларини кўриб чиқадилар.
