Ливандаги портлашда ҲАМАС раҳбари ўринбосари ҳалок бўлди
ОАВ, шунингдек, портлашда яна тўрт киши ҳалок бўлганини ёзмоқда.
BBC нашрига кўра, ҲАМАС етакчиси ўринбосари Солиҳ ал-Арури Ливан пойтахти Байрут жанубида содир бўлган портлашда ҳалок бўлди.
ҲАМАС унинг ўлимини тасдиқлади.
Ал-Арурий ҲАМАС сиёсий бюроси раҳбари ўринбосари бўлган, шу билан бирга, гуруҳнинг айни пайтдаги ҳарбий фаолиятида ҳам иштирок этган.
Ливан давлат матбуотига кўра, портлаш мамлакат пойтахти чеккасида жойлашган Даниедаги ҲАМАС идораси яқинида содир бўлган.
Ливан ОАВлари шунингдек, портлашда тўрт киши ҳалок бўлганини ёзмоқда.
