"Мен ҳам уларнинг даражасига ета оламан"
Леау танқидларга жавоб берди.
"Милан" ҳужумчиси Рафаэл Леау ўзининг ўйин услуби ҳақида гапирди. Португалиялик футболчига барқарорлик етишмайди ва кўпинчи мухлис ва мутахассислар танқидига нишон бўлади.
Истеъдодли ҳужумчи юқори даражада ўйнашига нима ҳалақит қилаётгани ҳақидаги саволларга жавоб берди.
"Менга нима етишмайди? Мен худбин эмасман. Ўзим ҳам гол уришим мумкин, лекин жамоадошимга қулай пас узатиш имконияти бўлса, албатта тўпни унга узатаман. Юқори даражада ҳар бир рақам муҳим ҳисобланади. Лионел Месси, Килиан Мбаппе ва Эрлинг Ҳоланд ҳам жамоадошларига голли пас узатади. Улар қайд этаётган кўрсаткичлар буни кўрсатиб турибди. Мен ҳам уларнинг даражасига ета оламан", - деди Рафаэл Леау.
