"Chesscom" россиялик гроссмейстер Денис Хисматуллинни фронтга қилган сафарлари туфайли блоклади
Аввалроқ, у Самарқанддаги турнирда польшалик рақиби қўлини сиқишдан бош тортганди.
Хисматуллиннинг ўзи блокировка қилинганини маълум қилди. Унинг баёноти Россиянинг Украинага кенг кўламли босқинини очиқ қўллаб-қувватлаётган шахматчи Сергей Карякиннинг Telegram каналида эълон қилинган.
Хисматуллиннинг сўзларига кўра, "Chesscom" шахматчига ўз сайтида совринли турнирларда қатнашиши ва ҳар қандай ижтимоий фаолият билан шуғулланиши тақиқлангани ҳақида хабар берган.
26 декабр куни полшалик гроссмейстер Ян-Кшиштоф Дуда Самарқандда ўтказилган шахматнинг рапид йўналиши бўйича жаҳон чемпионатининг биринчи турнирида Хисматуллин билан қўл бериб сўрашишдан бош тортган эди. Польшанинг Rzeczpospolita нашри полшалик шахматчининг бундай хати-ҳаракатини Хисматуллиннинг Украинадаги жанговар зонага бир неча бор ташриф буюргани билан изоҳлади.
Chess.com – дунёдаги энг катта шахмат платформаси. Россиянинг Украинага кенг кўламли бостириб кириши бошланганидан сўнг портал Россия агрессиясини қоралади. 2022 йил апрел ойидан бошлаб у Россияда блокланган.
