Роналду яна бир мукофот билан тақдирланади
У ўтган йилнинг энг яхши тўпурари ҳисобланади.
"Ал-Наср"нинг 38 ёшли ҳужумчиси Криштиану Роналду ўз коллекциясини яна бир соврин билан тўлдирадиган бўлди. Футболчи йилнинг энг яхши тўпурари учун бериладиган Марадона мукофоти билан тақдирланади. Мукофот 19 январь куни Dubai Globe Soccer Awards 2023 маросимида топширилади.
Беш карра "Олтин-тўп" соҳиби 2023 йилда "Ал-Наср" ва Португалия терма жамоаси сафида 54 та гол урди. Тўпурарлар пойгасида португалиялик форвард ПСЖ ҳужумчиси Килиан Мбаппе (52 гол) ва «Бавария» ҳужумчиси Ҳарри Кейн (52), шунингдек, “Манчестер Сити” ҳужумчиси Эрлинг Ҳоланд (50) каби футболчиларни ортда қолдирди.
Декабрь ойида Криштиану Роналду Саудия Арабистони Про лигасининг энг яхши футболчиси совринини қўлга киритди. Декабрда у 5 та ўйинда 5 та гол уриб, 3 та голли узатмани амалга оширди.
