Фирмино "Ал Аҳли"ни тарк этиши мумкин
Футболчи АПЛга қайтади.
Журналист Бен Жейкобснинг сўзларига кўра, "Ал Аҳли" Фирминони ижарага беришга тайёр.
Қайд этилишича, "Ал-Аҳли" ҳали футболчи бўйича таклиф олгани йўқ, аммо форвардни Премьер-лига клубларидан бирига ижарага бериши мумкин. Лондоннинг "Фулхем" ва "Вест Хем Юнайтед" Саудия Арабистони клуби билан норасмий алоқада.
Эслатиб ўтамиз, Фирмино ўтган ёзда "Ал-Аҳли"га ўтганди. Жорий мавсумда ҳужумчи барча турнирларда 19 та учрашувда иштирок этиб, 3 та гол урди ва 3 та голли узатмага муаллифлик қилган. Футболчининг клуб билан амалдаги меҳнат шартномаси 2026 йилнинг ёзига қадар амал қилади.
