Кореянинг етакчи клуби ўзбекистонлик футболчи билан шартнома тузди
Ушбу клуб етти карра мамлакат чемпиони ҳисобланади.
Кореянинг етти карра чемпиони "Сеонгнам" клуби ўзбекистонлик ярим ҳимоячини ўз сафига қўшиб олди. Ўзбекистонлик ярим ҳимоячи Икром Алибоев фаолиятини яна Корея Республикасида давом эттиради. Декабрь ойида "Канвон" билан хайрлашган Алибоев "Сеонгнам" клуби билан шартнома тузди.
Маълумот учун, "Сеонгнам" 7 карра мамлакат чемпиони, 3 карра кубок соҳиби, 3 карра лига кубоги соҳиби, 1 карра Суперкубок соҳиби ва 1 карра Президент кубоги соҳиби ҳисобланади. Мазкур клуб 1995 йилда Осиё чемпионлар кубоги, 2010 йилда эса Осиё чемпионлар лигасида ғолиб чиққан. 2010 йил ўтказилган Клублар ўртасидаги Жаҳон чемпионатида тўртинчи ўринни эгаллаган.
Эслатиб ўтамиз, бунга қадар "Сеонгнам" клубида ўзбекистонлик Сервер Жепаров ва Жамшид Искандеров тўп тепган.
