Пхеньян яна Жанубий Корея томон ўқ узди
Отишма бир соат давом этган.
Бугун, 6 январь куни КХДР Жанубий Корея билан чегарага яқин жойдаги денгизга артиллериядан 60 та ўқ узди.
Шимолий Корея ҳарбийлари ушбу ҳудудда кетма-кет иккинчи кун ўт очишмоқда. Жанубий Корея томонига кўра, Шимолий Корея маҳаллий вақт билан соат 16:00да ўт очган, отишма бир соат давом этган.
Бир кун аввал Шимолий Корея минтақада артиллериядан 200 марта ўқ узганди. Снарядлар Шимолий чегара чизиғидан шимолдаги денгиз буфер зонасига, икки давлат ўртасидаги денгиз чегарасига тушган.
Жанубий Корея ҳукумати Еонпёнг оролида тинч аҳолини бошпаналарга эвакуация қилишни буюрди. Жанубий Корея ҳарбийлари ҳам ўч олиш мақсадида ҳарбий машқларни ўтказди.
