"Реал"да Килианга жой йўқ

 

Килиан Мбаппе 2022 йилда "Реал"га ўтиши мумкин эди. Бунинг учун ҳаммаси яхши кетаётганди: футболчининг "ПСЖ" билан шартномаси якунланаётганди, Мадридда эса суперюлдузнинг ўрни бўшаб қолганди. Бензема ўзининг энг юқори чўққисида эди, лекин ундаги ёш билан боғлиқ ҳолат уни тез орада алмаштириш кераклигини билдирарди.

 

ОАВ Мбаппе қаерда ўйнаши, Анчелотти унга қандай мос келиши ва Килиан "Реал Мадрид" таркибида қанча "Олтин тўп" ютишини аллақачон тахмин қилишган. Аммо, кейин Мбаппе "ПСЖ" билан шартномасини узайтирди. Ва барча фантазиялар пучга чиқди.

 

2024 йил. Мбаппенинг Париж билан шартномаси яна якунига етмоқда. Ва ОАВ яна уни "Реал"га ўтиш мумкинлиги ҳақида ёзишади. Аммо, бир жиҳат бор: унинг ўрни аллақачон банд қилинган. Мадрид Жуде Беллингҳам билан шартнома имзолади, ҳужумни тиклади ва янгилади. Ҳамда бу рақобатда Мбаппе учун жой йўқдек.

 

Бензема кетганидан кейин Анчелотти ҳужумни қайтадан ўйлаб кўрди. Энди тезкор Винициус ва Родриго олдинда ҳаракатланишмоқда, Беллингҳам ҳам мунтазам равишда ҳужумларда иштирок этмоқда.

 

Бугунги «Реал» мувозанатли. У мукаммал эмас, у дахлсиз эмас. Аммо янгиланиш жараёнида бўлган жамоа учун "Реал Мадрид" ажойиб формада. Албатта, биз ҳали ҳам Модрич ва Крооснинг ўрнини ким эгаллаши ҳақида ўйлашимиз керак. Аммо, ҳужумда "Реал" аллақачон ёш, янги ва сермаҳсул ҳаракатларни амалга ошириб бўлган. Бунда Мбаппенинг роли йўқ.

 

Француз "Реал"ни кучлироқ қила оладими? Назарий жиҳатдан, албатта, ҳа. Мбаппе топ футболчи, унинг истеъдоди сўроқ остида эмас. Яна бир муҳим жиҳат: Эндрик ёзда "Реал"га келади. Катталар даражасида у ҳали Мбаппедек ўзини кўрсата олгани йўқ. Аммо, у феномен сифатида тасдиқланган ва 17 ёшида ажойиб натижаларни кўрсатмоқда. Эндрик "Палмейрас" сафида аллақачон 60 та ўйин ўтказган, у аллақачон Бразилия терма жамоасида баҳсларда иштирок этмоқда.

 

"Реал Мадрид" Мбаппени фақат супер юлдузни қўлдан бой бермаслик учун сотиб олиши мумкин. Аммо, Флорентино Перес 2000 йилларнинг бошларида, Галактикосни йиғган пайтида бундан азият чекканга ўхшайди. "Реал Мадрид"га иккинчи марта келганида Перес иложи борича ҳушёр ва эҳтиёткор инсонга айланди

 

Ўзингиз баҳо беринг, ким яхшироқ ҳаракат қилмоқда: Мбаппе ёки "Реал". Мадрид Килиансиз анча хотиржам ўйнашда давом этмоқда. Бу яхшиланиши мумкин, аммо ёмонлашмайди.

 

Мбаппе "Реал"га ўтмаганда тақдирда нима қилиши керак? "ПСЖ" билан яна шартномани узайтирадими? Ёки Англияга кетадими? Ёки Саудия Арабистонига ўтадими? Бу яна бир катта савол. Ҳаммасини вақт кўрсатади.