"Рома" Моуриньони ишдан бўшатди
Клуб унинг кейинги фаолиятига омад тилади.
Италиянинг "Рома" клуби жамоа бош мураббийи Жозе Моуриньони истеъфога чиқарганини эълон қилди.
"Бизда унинг "Рома"даги фаолияти ҳақида доимо ажойиб хотиралар сақланиб қолади, аммо биз шошилинч ўзгаришлар клуб манфаатига хизмат қилади, деб ҳисоблаймиз. Жозе ва унинг ходимларига келгуси фаолиятида муваффақиятлар тилаб қоламиз”, — дейилади клуб берган хабарда.
Португалиялик мутахассис билан бирга унинг мураббийлар штаби ҳам клубни тарк этди. Моуриньо "Рома"ни 2021 йилнинг май ойидан буён бошқариб келаётганди. У 2021/22 йилги мавсумда жамоани Конференция лигасида ғалабага олиб келди. Ўтган мавсумда "Рома" Европа Лигаси финалчисига айланганди.
