Бензема Саудиядан кетадими?
Унинг олдида бир нечта йўл бор.
Карим Бензема ҳозирча "Ал-Иттиҳод" йиғинига эътибор бермаяпти. Жамоа 10 январь куни машғулотларга йиғилган эди, аммо франциялик футболчи у ерда кўринмади. Футболчи Маврикий оролида дам олаётгани маълум бўлди. Унинг жамоадан кетиши дарҳол оммавий ахборот воситаларида тарқала бошлади: Карим гўё Саудия Арабистонидаги об-ҳаво, футбол даражасидан норози бўлиб, Европага қайтишга интилаётганга ўхшайди. Шунингдек, у француз расмийларининг футболчининг терроризм билан алоқаси ҳақидаги сўзлари туфайли мамлакатда таҳдид остида қолган кўринади.
Табиийки, дарҳол Бенземани қўлга киритишга тайёр бўлган номзодлар пайдо бўлди. Яқин орада Каримнинг кетишини инкор этиб бўлмайди.
"Лион", Лига 1да 16-ўрин
Бу шунчаки тахмин. Лекин, фақат "Лион" мухлислари учун. Бензема унга катта футболга кириш имкониятини берган клубга қайтади. Дарвоқе, Каримнинг ўзи ҳам фаолиятини "Лион"да якунламоқчи эканлигини айтганди. Ҳозир жамоа чемпионатдан тушиб кетиш зонасида.
'Арсенал", Премьер-лигада 4-ўрин
"Арсенал" ҳам худди "Манчестер Юнайтед" каби ҳужумда яхши ҳаракат қилмаяпти. Ва Премьер-лигадаги кучли бешлик жамоалари орасида энг ёмон кўрсаткич қайд этган. Энг яхши тўпурар эса олтита гол билан Сака бўлиб турибди. Бенземанинг Лондондаги олти ойи эртакдек кўриниши аниқ. Бундан ташқари, улар фахрийларни ижарага таклиф қилишда тажрибага эга - масалан, Анрининг Амирликларга қайтишини эсланг.
"Манчестер Юнайтед" Премьер-лигада 7-ўрин
"Манчестер Юнайтед" голлар сони бўйича АПЛда 17-жамоа бўлиб турибди. 20 ёшли Хойлунд эса 16 учрашувда иккита гол урган. Албатта, бу яхши эмас. Жамоага кучли ҳужумчи керак. Бензема каби.
"Челси" Премьер-лигада 9-ўрин
Яна бир инглиз клуби ҳужумчидан фойдаланиши мумкин. Аммо, Бенземанинг бундай инқирозли жамоага қўшилишини тасаввур қилиш жуда қийин. Бензема, шубҳасиз, сўнгги ўйинларда асосий ҳужумчи бўлган Армандо Брояга қарши баҳсда ғалаба қозонишга қодир. Яна бир жиҳат: таассуротлардан ташқари, ҳозирги «Челси» футболчига ҳеч нарса бера олмайди. Ва бу футболчининг ўзини қизиқтирмаса керак.
"ПСЖ", Лига 1да 1-ўрин
Килиан Мбаппенинг голларини ҳисобга олсак, "ПСЖ"га ҳужумчи керак эмасдек. Аммо, клуб президенти Носир Ал-Хелайфи Каримни клубда кўришни жуда хоҳлаётгани хабар қилинганди. Бензема Мбаппе даражасида гол ура олиши даргумон. Шунинг учун, агар ўтиш содир бўлса, бу Килианга ёрдам бериш бўлади. Жамоанинг ушбу мавсумдаги муаммоларини ҳисобга олсак, Каримнинг, айниқса, чемпионат ўйинларидаги тажрибаси жуда муҳим.
