Путин Шимолий Кореяга боришни режалаштирмоқда
Ҳозирча сафарнинг аниқ санаси номаълум.
Россия президенти Владимир Путин Шимолий Кореяга расмий ташриф билан боришни режалаштирмоқда. Ҳозирча сафарнинг аниқ санаси номаълум.
Корея марказий ахборот агентлиги (КСНА) маълумотларига кўра, Россия президенти Владимир Путин “яқин келажакда” Пхенянга ташриф буюриш ниятида. Бу ҳақда КХДР Ташқи ишлар вазирлиги раҳбари Чве Сон Хининг россиялик ҳамкасби Сергей Лавров билан учрашуви якунларида маълум бўлган.
Шимолий Корея делегацияси Россия президентига Ким Чен Иннинг Пхенянга “ўзига қулай вақтда” ташриф буюриш ҳақидаги шахсий таклифини етказган.
“КХДР ҳукумати президент Путиннинг мамлакатимизга ташрифини илиқ қаршилайди ва Корея халқининг энг яқин дўстини чин юракдан кутиб олишга тайёр”, — дейилади КСНА нашри.
